حتما حتما سألقاك

كالتائه اغدو واروح

بين الطرقات ابكى ولا ابوح

تتوه الخطى

ترتعش الرؤى

افتش عنك

واعلم انك طيف من السماء يلوح

صحيح تمر الليالى 

ويهدأ الجرح ويصمت الأنين

صحيح تجف المأقى 

ويبقى سر الدمع الدفين 

صحيح تلهينا الأمانى

ويسكن الماضى الأغوار سجين

صحيح تبدلت احوالى

وبقى الشوق رفيقى والحنين

يوم يصاحب يوما وزمن يسير

وعمر يمضى خلف الحياة اسير 

يشق جدار الغيب نحو المصير

مغمضة العين ابدو

وقلبى الكسير بصير

حتما اماه سألقاك

طال ام قصر المسير

وحين اللقا .....

ستصمت الى الابد خيالاتى 

ولن تكف عن السرد حكاياتى

اخبؤها لك بين حنايا الفؤاد

وفى طيات خلجاتى

لن تملى يا أمى

قد يفيض الدمع حين 

يروى عنى أناتى

قد تعلو من الاسرار

حين البوح ضحكاتى

وتتلون بالحمرة من الخجل وجناتى

لكنى ابدا لن اخجل

حين اعترف بهفواتى

فأنا أماه حين ألقال

سيعيد الزمان برائتى ونقائى

واسترد شقاوة طفولتى 

 سألقاك كما غبت عنى

طفلة يدق الصبا ابوابى 

اماه ..بيننا موعد 

وحتما حتما سألقاك 

يوم فى السنة

باعمل نفسي مش واخدة بالى

واشغل روحى بكل شىءتانى

ممكن اعمل خرسه وطرشة 

او تايهة ولا شايفة ولا حاسه

اغيب عن الحاضر وانا واعية

يوم ف السنة خايفاه وبدهشة

رغم تكراره سنين لا ب أعدها ولا بأنسى

عاملى عقدة لا بتتحل ولا تشفى

بيفكرنى انى محرومة ومنكسرة

انا من غيرك يا امى لا ليا قيمة ولا لازمة

حتى بعد ما بقيت ماما 

زاد الطين بلة

فى الفرح فرحانة وجوا القلب فى نغزة

ولما يهل الحزن يلملم مأسى ما يتوصى

والله لا مزوداها ولا بنعمة ربنا ناكرة

انا كل يوم بيمر باحتاج لها بشدة

ومهما السنين بتمر طعم الفراق المر

يزيد ولو زودوا العسل قطفة

لسانى عم بيئن مشتاق ينطقها

ماما يا اول حروف اترسمت ع الشفة

كل الهموم بتهون 

الا فراق الأم 

يهد الحيل ويكسرك كسرة

رسالة الى مجهول

ياللى قعدت ع الكرسى

و بسرعة نسيت اللى قبلك

ودخلت فاتح صدرك 

وبتقول مش همك

وف اول مواجهة بخ

رد على شعب بيندهلك

شعب هب وكان نصيبه القتل

وانت لاحد شافك ولا سمعك

ياللى يوم ما جيت قلنا بكره

يمكن يكون احلى

وسكتنا  كل اللى عارضك وخذلك

يومها قلت لوغلطت قومونى

ومن يومها ماشوفنا غير

لجلجة  قلمك وحنكك

واحنا بنقولك .م الاخر..... غور

لو بتحب اللى خلقك

ياللى اشتريت بعشيرتك شعب

وفاكر ان العزوة صهر ونسب

ومصر عزبة وورث لكل دقن وشنب

فات عليك شعبها

لا بيتاطى ولا بيتغلب

ولا عمره باس الأيد

ولحمه مر ودمه مايتقدر بدهب

لاجل النبى..لم هدومك وارحل بأدب

خلص الكلام وكفاية عليك وعلينا  

وش التاريخ اتكسف م اللى اتكتب

26