وطن

يا صاحبي يا صديقي
يا مسلم يا مسيحي
هتقدر معايا نحمى
اللى باقى م الوطن
هتقدر تأخذ بأيدى
ونعدى فوق كل المحن
هتقدر تمسك بكتفى
تنتشلنى قبل ماتحرقنى الفتن
هتقدر تحوطنى بحضنك
وتغطي بقميصك لحمى

قبل م العار
بشرفى وشرفك يقترن
هتقدر تنسينى همومى
وتمسح دمعة. سالت من عيونى
وتضحكنى بنكتة
وإلا هتسيبنى أهرب لوحدي
وأحاول أنسي كلمة صديقى
واحاول أنسي
انى كان ليا وطن

كلامى مش لواحد بعينه

ياللى زرعت وسط غيطان المحبة
عيدان العدا
وبدل ما تبدر بذور الأمل غرست العند
ورويت بذور الأنا
ياللى خلعت بالجبروت سنابل على خدها
حب الندي
وحصدت بإيد الغدر قبل الأوان ورد الجناين
فى الخفا
ياللى قطفت ثمرة فؤاد الوطن
قاصد ام بالخطا
وحفرت قبر أخوك بأيدك وحسبته
أمر وقضا
ياللى بورت ارض الجدود لما رويته بدم
وجرفت طمى العهود قبل الوفا
يالى خيالك بنى لك جسور بطول المدى
وحفر قنايا يجري فيها نيل دم وبكا

كلامى مش لواحد بعينه
كلامى ابثه للملا
كلامى للى واقف على سجادة الصلا
وللى رافع راية بلاده فى الطلا
وللى مندس جوانا بلا خشى ولا حيا
وللى كلامه متغمس بسم وبيقول بالهنا
وللى ضميره مات من زمن واتنسي
وللى فاكر نفسه ياما هناك ياماهنا
وهوحتة فار فى سوق النخاسة ما يتشري

كلامى مش لواحد بعينه
كلامى بعلو الصوت ورجع الصدى
لودامت لغيرك كانت تدوملك
فوء واحسب حساب خطوتك
اليوم قبل الغدا

حسبى الله ونعم الوكيل
اشكي اليه ضعفى
 وابث همي فى الدعا
مالى رب سواه
على القلوب مطلع
ويعلم خفى الصدور
وكل قصد ومانوى

ما عدش فى لا خوف ولا رعب

خارجة من باب البيت

لا بيا ولا عليا
ماسكة فى ايدى المصحف
 اسمع ايات الواجب
اللى حفظتها كلها
الا اياتين بانساهم
قلت اراجعهم
يمكن يثبتوا شوية

وف نفس ذات الحين
جوايا خوف بترعش
اصل امتحان الحساب
الحصة اللى جاية

يابوى وابلة الدراسات
قالتلى اشف خريطة مصر
والون نهر النيل
والبحر اللابيض واللاحمر
وقلم اللون مقصوف
يبقى عقاب يا هو
يا داهية ع النفوخ دجي
اديلو ماترحمهوش
عشر مساطر ع اليدتين
وحرمان م الفسحة

يارب تتلهى عنى
والا تغيب
ياتروح عليها نومة
وتفضل تاكل فى الحلم
رز مع الملايكة

ياعم يابو الحجاج
هدى سواقتك حبتين
واتلكع على باب صاحبتى
اللى امها سمتهاحنين
قال جابتها بعد شوج
على ولدين
يمكن الحج احفظ الايتين
واخلص م الخوف اللى فيا

رجة جوية جوية
ايه ده زلزال
م اللى بنسمع عنه
فى بلاد الخواجات
والا يوم الجيامة
اللى الشيخ مسعود
مالينا منه خوف
ماهو لما تجوم الساعة
ما حد فينا هيفلت
ولا م الموت هيفوت

وتخلص الحدوتة
ماتت البنوتة
فوق شريط المزلقان
اللى غفيره كان غفلان
ورايح فى سابع نومة

وتقابل رب كريم
رحمن بيها رحيم
وظن الشيخ مسعود
جه على فاشوشة

ساعتها كانت عبارة عن رجة
يمكن بالنسبة لها
كانت جوية وخضة
ويمكن ملك الموت
اتشاهد ف الملكوت
ع الحبايب
اللى الملايكة حوطوهم
وزفوهم للجنة فى زفة

ماعدش فيه لا خوف ولا رعب
من امتحان الحساب
ومسطرة ابلة الدراسات
ولا حتى من يوم القيامة
كفاية انى باموت
وانا باسمع الأيات
لا انا مرعوبة ولا خايفة

ليت يا ليت

ليت الأمس يعود
عبارة ..ابدا لم انطقها
وان كنت اعيش اسيرة فى خباياها
ليت الأمس يعود
عبارة ..ابدا لم اطلبها
وان تنفست بين الحين خلسة
نسائم من عبق هواها
ليت الأمس يعود
عبارة ..لم اقصدها
وان اغمضت العين فى صمت
يغرقنى فى يم ثناياها
ليت الأمس يعود
عبارة ..ابدا لن انشدها
فبين الأمس واليوم
احلام وخيالات صغيرة
لم تزل تغفو وتصحو
وليل الأمس يرعاها
فأبقى كما انت يا أمسى
فيومى وغدى بعض منك
وانت ستبقى كما انت
مخبأ فجرى وليلى
ومشرق شمسى وضحاها

زائر الشعر

ألملم الاوراق والاحبار والقلم ..
واسكن الكلمات والاحاسيس وعناقيد الألم.
.لحين اسمع على الأبواب دقات الألهام
 تطربنى كالنغم
 ..فابقوا معى ولا ترحلوا ..
نترقب سويا زائر الشعر الملهم

أأنت بعيد ؟

بعيد ...بعيد ...انت بعيد
جبال ..بحار..وصحاري
جميع التضاريس تفصلنا
غريبة ..غريبة ..انا غريبة
الأهل ..والرفاق ..واصحابى
جميع الأعراف تعاندنا
ورغم البعد والغربة
ورغم الشوق والفرقة
رغم تفاوت المسافات
رغم تعارض الثقافات
رغم تعالى الصيحات
من احياء او اموات
لتبقى خطانا شارات للطرقات
او نُمحى..تدفنا غيبات الذكريات
رغم كل ما فات
رغم ما هو ات
مازال الحب يلملنا

بين قلوب ايقنت ان الحب خطيئة
بين عقول ابصرت ان العشق مصيبة
بين اجساد غضة اضحت كالاحجار
بين نفوس رهفة هرمت فى الاغوار

رسم الحب خارطة عالمنا
بلا حدود ..بلا قيود
مابين الروح والخلجات
ومازلنا نتحسس ..نتربص ..اللقاء
قد نسهو ..وقد نغفو
ويبقى الحب يسكن النبضات

بعيد أنت ؟؟ لا لست بعيد
انت للروح توأم وللنبض رفيق
غريبة أنا ؟؟ لا لست غريبة
فأنت الوطن
وأنت الحلم الذى
عليه اغفو وافيق
إنا لبعض كالمرايا
نعكس حبنا ..فينير
لخارطة عالمنا الطريق
أأنت بعيد..بعيد؟؟ كلا
أحبك يا من أقرب الىَّ
ولكنك ..انت..السر السحيق  

سؤال

وتسألنى أسعيدة بجوارك انا ؟
يالا خوفى من ذاك السؤال
اترانى افصح عن الهوى
وانير ظلمات لياليا الطوال
واقول لك عن سهد النوى
واحلاميا ..وغدير الأمال
يالا خوفى ....أأقولها
واسبح بخجلى فى يم الخيال

كم وددت يا حبيبى لو أنى
أعادنى العمر لبراءة الأطفال
لعدوت اليك .....أروى
انفعالاتى ... ملونة الظلال
او وددت يا حبيبى
لو تفجر فى جنون الشباب
فأقولها ..وابدر حبى زهراً فوق سفوح الجبال
وأقولها ..وادنو منك ..وتدنو منى
فترتعش الخضرة فوق التلال
أأغمض عينى ..وانزع خوفى..وأقولها
لا يا حبيبى ..فذاك محال..محال 

هذى بلاد لم تعد من زمن كبلادى

هذى بلاد لم تعد.... كبلادى
صرخة شهيد باتت وصمة عار فوق جبين الوادى 
انة غريق باتت نحيبافى حناجر اهل الوادى
سيدى..لا تقول ظالمة ..ان قلت
هذى بلاد لم تعد من زمن كبلادى
ولا تنعتنى جاحدة..ان قلت
فى حضن صحارى غيرها سكنت مهجتى
حين لم يسع فؤادى ضفتا النيل والوادى
هذى بلاد لم تعد من زمن كبلادى
اشتقت فيها طفولتى ..أحلام الصبا..وغض شبابى
اشتقت لجد..يعلمنى قرأنى..حروف اسمى..يوم ميلادى
       لجدة..بيتهامرفأحنينى وحضنها ملاذى حين عقابى
اشتقت لأب..يملأ مسامعى بدرر من شعره
             يغزل بالكلمات ملامح محبوبته
            فتشزق فى الأفاق صورة مصر بلادى
       لأم..جمالها أخاذ..ورأيها نفاذ
           فى خطوها عزة ووقار..ميراثها وميراثى
           المهنة.. معلمة...فى زمن 
           الشعب فيه ينادى..العلم مائى وهوائى   
اشتقت لمعلم..فى الخلق قدوة وللمعرفة منهلى و نبراسى
             فى قلبه رضا وفى عينه امل يرتجى
            هذى تلميذتى ..وغدا فخرى وفخربلادى
       لمعلمة..تستشف مواهبا فى اناملى فتطلق ريشتى
              لوحات تناجىالنيل وسمرة اهل الوادى
              ومعزوفات تحاكى العالم و تراث اجدادى
اشتقت لزعيم..لازمت ثورته..يوم ميلادى
               تغنى باسمه فؤادى قبل لسانى
               علمنى ان لى وطن تفوق حدوده حدود بلادى
               وان ابناء عروبتى..عزوتى..اخوتى..جيرانى
               ومن استباح كرامتى ودنس ارض بلادى
               عدوى.. الثأر بيننا... ويدى فوق زنادى 
               وحين أراد الأبتعاد..ثرت..خطأوك خطأى
               لا استسلام..هامتى عالية..تاجها عروبتى وعنادى
               لكننى مشيت أودعه فى مواكب انكس راياتى واعلامى
              فى القلب احمل صورته وفى يدى وردة تنعى قوميتى واحلامى
مهلاً سيدى ..لا تبتأس..فمازلت تتربص بى أيامى....أبت ألا اتم طفولتى 
              فاغتالت أبائى..ووأدت ما بقى من أحلامى
           ابت الا وتنعتنى يتيمة ..لقب أضيف الى ألقابى
           ولأننى طفلة ..لبست ثوب حداد 
           بقى بالقلب نبض يمامة..وان شاخ العمر..وعاندتنى أيامى
فهلا سامحتنى سيدى..ان قلت
هذى بلاد .... لم تعد من زمن كبلادى .