تمهل قليلاً

انا واحدة ممن احببت

قد اكون الأولى

قد اكون الأخيرة

وقد اكون ولا واحدة

وقد اكون ممن حاولت

معهن كثيرا

قد اكون ممن غازلت

او اكون ممن صادقت

لكن اشك سيدى

ان اكون من احببت

الحب عندى... عيون لا تنام

... قلب يفتقد الوئام

... جسد تائه وسط الزحام

وانت عاشق .. غارق فى الأحلام

توقف عندى قليلا وتمهل

انى شتات امرأة شردها التأمل

وبقايا ملامح تأبى ان تتجمل

انى اشلاء قلب

فى الحب لم يتمهل

ورزاز ينبوع مشاعر

جف من فيض ما تحمل

انا..افتش فى الأغوار عن نفسى

انقب فى المنامات عن حلمى

أُلملم شتاتى وأشلائى وما بقى من عمري

لأمحو بصمات وأطرد أهات

أعتادت أن تجثم على صدري

فإن اسعدك حظك فقابلتنى

ووسط زحام حياتك عرفتنى

وجال بخاطرك ان تحبنى

فتمهل قليلا وفكر كثيرا لأننى

لن أرضاك جداراً به احتمى

ولن اهواك وهماً له انتمى

انا فقط اجتاجك

حضناً فيه ارتمى ...

فى كل عام

نفس الميعاد من كل عام

الاقي نغزة فى فلبي بتوجعنى

سنين طوال مالهاش حساب

ولسه كأنها بتحصللى

ويوم طويل كئيب حافر

احساس دفين جوايا بيعذبنى

صورة واحدة فى الخيال

رغم السنين ما تبدلتشى

يوم سعيد مفروض يدوم

بس فى القدركان مكتوب

انه ما يكملشى

مش قادرة اقول غير ان

الزهور مهما تموت عطرها

دايم ما بيموتشى

اصل الحكاية كان فى زمان

بنوتة فى تانية ثانوى

فرحت لما مامتها فى يوم ناديتها

يا منى .. عندى مفاجأة ما حصلتشى

مسافرة ...هاغيب كام يوم

وياريتها ما سافريتشى

يا منى رب الكون نادانى

دى فرصة بغيرها ما بحلمشى

احج البيت وبعطر الرسول امسح

هموم بقالها سنين ما بتروحشى

فرحت منى ... وحلمت بيوم ترجع فيه

مامتها... اللى ولا لحظة فارقيتها

بسجادة صلاة وسبحة من عند الرسول

وفستان زفافها زى ما مامتها وعدتها

الصورة فى المطار ..حاجز يحول

ما بين منى ومامتها.....

قلب البنية انكسر ..من قبضة جواه

ماما ارجعى...حست ان دى نهايتها

بس القدر لما يقول كلمته بيحلف

ابداً..هى.دى اخريتها

ويجيلها فى المنام رؤية تأكد مخاوفها

على باب البيت تابوت مركون

مليان هدايا ...ما تساويش

ولا دمعة من مجارحها

سافرت الحاجة ما رجعتشى

وفضلت صورتها .. عروسة

ماتت يوم زفتها

وتفضل منى..مهما كبرت

قاعدة .. مستنية مامتها

وفستان زفافها اللى رجع وحده

يفضل قماش محبوس جوا شنطتها

وفى كل عام ...لما الجموع تنول حجتها

تتكرر الألام ..وتتقلب منى فى نومتها

جرحى كبير ..عمر السنين ..ما قدرت

تداوى.. شوقى ولهفتى ..لصحبتها

وفى كل عام ... تفضل لوزة ملاك

يطوف والكعبة تشهد بطهاريتها

والناس تنام وتقوم تحلم بيوم..

حتى منى.. ينولوا موتتها

يارب ..غفرانك ... ورحمتك

شملتنى برعايتها

افضل معايا .. قوة تساندنى

أطيعك فى كل صبح وليل ..وانول رضاك

اللى من رضاها عليا ..وفى حياتها كان دعوتها

يارب .. قدرنى اكون .. م اللي ينطبق عليهم قول

بارة بوالدها وولدتها

واكون منى اللى كانت اخر كلمة نطقتها

اكون زى ما حلمت تشوفها واللى ربيتها

أكون رحيمة عطوفة إنسانة على سجيتها

واجعل لسانى يصاحب ذكرك سبحانك وسيرتها

يارب

الرجاء ان تنشروها اذا ا نالت اعجابكم مع الدعاء لأمى وابى بالرحمة والمغفرة ولجميع اموات المسلمين والمسلمات أمين أمين أمين

ما حلمت

يغازل مشاعري بباقة ورد خلابة

يداعب مسامعى بكلمات عشق رنانة

يبهر عيونى ببريق عيون ولهانة

يدغدغ فؤادى بهدوء فوق العادة

يلاحقنى ..يناورنى ..يباغتنى

لأسقط فى هواه ...عشقانة

يدنو منى.. كلما بعدت

يجذبني.. كلما قاومت

يهدهدنى ..كلما ثرت

يلاعبنى كطفلة..وهذا ما حلمت

أه أعترف ...قد صدقت

وفى عشقه هويت

أخشى عليه منى

من حب يمتلكنى

فأغير عليه فيمضى

فعشقه ...كان زيف

وعشقى...كان خوف

يمر العمر..دون..ما حلمت



رداً على الشاعر :فاروق جويدة ...سافر حبيبي

وماذا عساه ان عاد ينتظ.
..قلبى كسير يكفيه ان يعتذر؟.
..هذا هراء وذنب لا يغتفر
..فليعد من حيث اتي بلا دمعة عليه تنهمر
فالحب لا يرتجى من عين حين تنكسر.
.وقلبى ما كان يوما ملاذا لحب خائن يحتضر..
..

امى..ماما .. ست الحبايب

سنين طويلة عدت عليا من يوم فراقك
عمر اكتر م العمر اللى عشته معاكى
لو حسبته مليون الف مرة
هاغلط وارجع اعده من تانى
مش لأنى ماباعرفش اعد
او لأنى هريته عد
ده لأنى من بعدك ف الدنيا تهت

مهما يمر العمر يوم ورا يوم
ومهما فى كل يوم ..اقابل م الحبايب كوم
ومهما ينادينى ولادى ماما ..يا احلى ما فى الكون
ومهما يجيبولى الهدايا على كل شكل ولون
ومهما فرحت ومهما عشقت ومهما عديت صعاب ونجحت
مهما كبرت ومهما دعيت ربى ومن رضاه نلت
مهما ومهما ومهما........

عندى جوايا فى قلبى وجعة
ومتحجرة جوايا فى عينى دمعة
وحاسة يا اما انى مخنوقة
وجوا حلقى غصة
واكيد بهمى انت حاسة بكل همسة

عارفة لأنى من بعدك بطلت اقول ماما
و انى من بعدك لاليا طول ولا هامة
وعارفة انى باخاف اقول عليك ذكرى
لأنك عايشة جوايا.. معايا ..فى كل خطوة وفكرة

اللى يقول الحق

قلتلهم عايزنى اقعد معاكم

تسيبونى اقول كل اللى فى نفسى

لا غلط ولاصح ولاده كلام

مايقولوش عاقل ولا حد من سنى

من يومى صريحة .. اللى فى قلبى

عل لسانى حكمة سمعاها من امى

الحال النهارة يغم

والناس ماشية فى الشوارع تشكى

والدموع فى العيون متحجرة ..حالفة ما تنزلشى

والكلام على طرف اللسان معقود

عارفين انه لو اتقال ما هيفدشى

الدنيا ماشية مقلوبة كأنها على راسها بتمشى

وان اتعدلت على رجلها..الأرض ما هتطولشى

لا الكلام فى السياسة عاجب

ولا فى السكوت عنه الغل هيشفى

وفى الأكل والشرب البطون جاعت

والأيادى اتمدت والهوي ما بيشبعشى

وفى الكورة الناس قالوا نطلع همنا

لقيوا فى الملاعب عرايس خشب ما بتتحركشى

وعايزنى اكون زيهم شيطان ما بيقولشى

اكتم مشاعرى واخرس لسانى واقول لنفسى

اللى يقولك هش ..جوا هدومك كشى وانحشرى

وانا اللى عمر لسانى ما سكت عن الحق

وفى سيرة الناس لا عاب ولا اغتبشى

عارفين..اصل الحكاية ..انى خايفة من يوم

فيه هاقف أُدام اللى خالقنى.. هايبة .. خايفة

وانا اللى فى الدنيا قال ايه قوية ما بتخافشى

واقوله يا رب

سكت ع الغلط وكتمت الحق

وعملت نفسى عامية ما بتشوفشى

اصلى لما جيت اتكلم واقول

ده صح وده ما يصحش

أصحابى وقفولى..قالولى هس

دى الأيد لوحدها ما بتسقفشى

اسفة ..يا صحابى..القعدة معاكم

لا العمر هتطول .. وما بتقصرشى

اقعد لوحدى .. واقول لنفسى

ده ينفع .. وده ما ينفغشى

افضل ما اكتم فى قلبى واموت بغيظى

اصل الموت لما بيجى ما بيفرقشى

واقف أُدام ربي بنفس رضية

أفضل ما اقف خايفة وضعيفة عشان فكرت

اخرس لسانى ولا ينطقشى

يا ناس ..ده اللى يقول الحق عمره ما بيغلطشى

من صغر سنى..بيقولولى.. بنت ابويا انا ..

دلوعة ومربينى ع العز و الهنا ..

من صغري وهو بينادينى مُنى..

ويسمعنى شعره وكلامه فى الغنا ..

وبيتنا كان للغريب قبل القريب مضيفة..

ولأهل الفن ُضليلة للرأى والفضفضة ..

فى المدرسة على حد قولهم معجونة بالعفرتة..

فى دروسى مع الشطار مترقمة ..

وفى كل نشاط مدرسى بلا منازع ع القمة متربعة..

من مين يا تري ده كله متشربة ؟

..بيقولوا دى جينات موروثة ومتأصلة ..

منك يا ابويا يرجعلك الفضل ..

ما انا من صغر سنى بيقولولى ..بنت ابويا انا

وفاكرة انى اول ما خط الشعر يدى ..

كنت بانعى ..اللى علمنى كلام الحب من صغر سنى ..

واللى ملا حيطان البيت بصوره و صورى. .

واللى حضنه ملاذى وحجره كان مرجحيتى..

واللى كنت معاه بارسم والون مستقبلى الوردى..

سفيرة.. مضيفة .. صحفية ..

المهم انى احبها والاقى فيها نفسى ..

واللى سمانى ايمان ..

وفى الحياة والموت اسمه ملازم اسمى..

كل ده وعمرى ما عداش حداشر سنة يعنى من صغر سنى

ولسه مهما مرت سنين جوا قلبى وف نينى عينى ..صورتك.. مرسومة متصورة ..

وكلامك بصوتك وكلمة مُنى فى ودنى مسموعة بيرددها الصدى ..

وفي الأغانى كلامك لما يقول :

لاهاسلم بالمكتوب ..ولا هارضى ابات مغلوب ..

وهاقول للدنيا يا دنيا انا راجع للمحبوب

ما ابقاش مستغربة

..فتتحت عينى بعدك.. لقيتنى ف الدنيا وحيدة..

بالحب والأيمان..بفضل ربى متحصنة ....

والصبر ع الفراق وقتها محتاج نفس قوية متدربة ..

وانا يا دوب على اد القول ع الهم واليتم لسه صغيرة..

رصيدى ف الدنيا عز و دلع..

واحلامى لبكرة فجأة بقت متأجلة..

لكن ربى عطانى جوايا قوة. .

على خطوط مكتوبة وع الجبين متسطرة..

علمنى على صغر سنى امتى اقول راضية ومسلْمة..

وامتى ااقول للكون ..انالا ضعيفةولا هينة ..

انا برب الكون قوية.. للددنيا مستحلفة ..

علمنى اسعى واعمل كل اللى فى وسعى..

لا عمرى اعرف كلمة مستحيل..ولا عمري اقول خلاص مستسلمة ..

..وارمى حمولى عليه..وادعى بنية خالصة ..

الاقى كل الهم زال و الصعاب متذللة ..

عرفت ازاى انى من صغر سنى بيقولولى بنت ابويا انا

وتخدعنى واحبك وعذرى انى ادمنت هواك

وارتقب يوما ترى خداعك لى بلسما لشفاك

فتضيع فى حضنى وترى الجنون غاية لمناك

فتدرك انى لجسدك روحا وحبى يسرى بدماك

وتبقى اسير عشقى وابقى جنونك وبريق عيناك

لا فى البعد عنى أو بالقرب منى سبيل لرضاك

عُد

جاءت تودعه

وفى عينيها رجاء

أبقى

فغيابك سقم بلا دواء

لا ترحل

فحياتى بدونك خواء

احتاج اليك يا رجلاً

أعادنى الى زمن النقاء

هذا زمان ندر فيه الرجال

عفواً..هذا زمن النساء

هكذا نحيا في خيال البلهاء

ولأنى امرأة فى هذا الزمان

ارجوك لا ترحل

أو عد بى الى الوراء

حين كنت منك ضلعاً

اسكنك عشاً

أذوب فيك عشقاً

وعينيك حصنى من الغرباء

أحن اليك دوماً

عد كما كنت رجلاً

حتى أعد امرأة

قد غدونا كالغرباء

عد قد سئمت تبادل الأدوار

سئمت لقاءنا فى ساحة القضاء

عد صديقى ..عد رفيقى..عد حبيبي

عد لنحيا فى صفاء

عد..اشتاق الى جوارك

لا أمامك ..أو بالوراء

عد الى نهارى بدفء الشمس

أعد اليك كالقمر الوضاء

عد الى نفسي سكناً

أعد اليك ستراً..رمزاً للبقاء

عد رجلاً .. لأعد أنثى

هكذا خلقنا الله

أدم ...و حواء

عد .. لن أمل الأنتظار

سأظل ابتهل لربى بالرجاء

الى من احببت

لأنك عندى عبق سنينى

لأنك عندى كنز العمر

لأنك عندى مرفأ حنينى

لأنك عندى كل البشر

تجاوزت عن حماقات بدت

تفتش في عن ذنب لا يغتفر

ما هذا يا من أضحى من نفسى كل

فغدت به واليه تنتمى

تغمض عين المحب اليوم

وتبصر بالجارحة عيوبى لتنتقى

والفكر مشغول بكم خطوة الأن بيننا

وبالأمس الاف الأميال لا تنتهى

أأدركت العيب الأن والزيف انكشف

اين كنت وكل تلك السنين تنقضى

يا من ابصرت عيوبه وبالفؤاد محوتها

لا ضير منها حين الروح بالروح تلتقى

ان المحب من يري العيب فضيلة

فالحب نعمة تسمو بهاالروح وترتقى

ويا من احببته دوماً لكننى

غير الهجر منه لم أنل

إن احببتنى صدقاً فاقبل رجائى

ولا تفتش اليوم لى عن ذلل

ويا من إن اسعدنى يوماً بطلته

لم ارتج من زمانى سواه أمل

إن قلت احبك زيفاً ترتجى

فانكرها اليوم عنى بلا خجل

ويا من قلت فيه ما قلت

وكأنى فيك بعد لم أقل

إن اشتاقت عيناك شغفاً لرؤيتى

فارفق بقلبك كفاه منك ما حمل

ويا من ادرك خباياه وما هوي

فؤاده من هوايا ولم يزل

إن أخفته نفسك وبه لم تعترف

فاعلم انى لست بقاتلى انت من قتل

وان كان حبك وهماً فى خيالاتى

فدعه فمر الوهم اعذب ما فى اناتى

عسى الأوهام والأيام وابتهالاتى

تدنيك منى فمن يعلم الغيب وغداً متى هو اتى

وترتضى حبي فى خريف العمر وانكساراتى

أو تراه نزوة ونبشاً فى ثري الماضى

عاهدت نفسى وليت نفسى بالعهد تفى

تنحاز اليك وكيف لا وانت من تشتهى

تقول احبك واقول الف مرة كرامتى

ويظل الشك يساورنى ..احببتنى أم لم تحبنى

احبك

احبك بلا سبب .. بلا منطق

احبك علامة استفهام
احبك اقولها بتحفظ
احبك اقولها على استحياء

احبك فى الأغانى
احبك فى محافل الأعلام
لكن معذرة
احبك بلا عشق
بلا انتماء


احبك واحلم بسواك وطن
واعلم ان فى عرفك
مثلى مهدور الدماء

احبك سنين مضت
ذكريات مرت فانقضت
معالم زالت ملامحها فما بقت

احبك واعلم انك ام الدنيا
وان المولى خصك بالقرأن
احبك واعلم ان نيلك يجرى فى الجنة
وان شعبك خير جند هذا الزمان
لكن .. اسفة .. اقول احبك
بلا اهتمام

احبك بلادى ..صورة..بالأحضان
لكن عفوا يموت الحب
حين تتنكر له الأوطان
حين تنتشى مترنحة بزيف المشاعر.. بلادى
وتستبيح لحضنها اقزام هذا الزمان
حين نتغرب فى ربوعها.. بين الأهل والأقران
حين نهاجر اوكارها .. وفى حضن الغوانى
نذق طعم امن الأوطان
حين ترتضى وأد الكرامة لشعبها .. بلادي
فمن ينفض عن كاهله ذل الهوان
احبك وبلا عتاب .. عندك غيرى كثير
ممن يتشدقون بحب الأوطان

احبك ولن انكر يوما هويتى
لكن عذرا ..سواك اضحت محبوبتى

احبك واعلم ان منك البداية
لكن لست واثقة
فى ثراك هل ستكون النهاية

عن الزمان

جلست الىّ تحاورنى
تساءلنى عن الزمان

ما مضى منه وما لم يزل
طى الكتمان


تقول : كان وكان وكان
وكأن كل زمانها ماض
وحاضرها ليس فى الحسبان

وسنوات تقول عنها مضت
لكنى اراها تشكل ذرات كيانها
تنبض فى الوجدان

تحتار فى سنين عمرها
ما بين السجل وبين ما تراه فى عينها
شتان
كأن الزمان توقف بها حقبة
والذاكرة مفقودة بلا عنوان

قالت حين احست حيرتى:
مُر الأيام حين طال مذاقه
أهملته
ابت ذاكرتى ان تدرك ملامحه
فامتحى
كم بالعباد وبى ربى رحيم رحمن

عفواً سألتها
اراك بفقدان الذاكرة سعيدة
كيف وسنين العمر تمضى بلا استئذان؟

ادركتنى بلا تمهل
كأنها ارتأت حيرتى
كغريق فى موج البحر بلا شطئان
قالت :
لا ضير انى من رحيق
الماضى اجتر ايامى

لا ضير انى اتجاهل من حاضرى
ما يعكر صفو ايامى

لا ضير انى لا ارتضى اقدارى
حتى اتيقن محاربته ما عادت بأمكانى

لا ضير انى مازلت احلم
فالحلم سبيلى هويتى عنوانى

فمازلت ارتقب فى الأفق سطوع نجمى
ومازلت انقب فى الأغوار عن كنزى
مازلت ارتقب ميلاد ذاتى

وسنين العمر احسبها بأعمالى
لا بأيامى
هذى شقاوة طفولتى
وتلك غض شبابى
وحاضرى اعيشه على استحياء
وشيخوختى ..ان اتت تدق ابوابى
قلبى الصغير سيردها
كما محت الذاكرةٌ مرَ ايامى

تتساءلون هوية محدثتى !!
استئذنتها .. فأبت
جادلتها .. فانتهت ..
ان زمانها سيقى طى الكتمان
حتى تثبت ذاتها
حتى تنقش بسجل عمرها
مالا يضيع عبر الأزمان

لا تسلنى عن الماضى ..لا تسلنى عن امانينا
مات السؤال..وجمد الدمع فى مأقينا
نسينا الحب وانتهينا..وغاب قمر ليالينا
غفونا ومازلنا نعيش فى سراب
تاهت فيه اغانينا
والتقينا وياليتنا ما عدنا لماضينا

جرحنا الهوى .. والام الماضى تكوينا
وبكانا الحب ..فى لحظة فراق تطوينا
وافترقنا ..وما مان القدر بإيدينا

ماضينا .. يا أملا كان
وجرح ذكري بقت توافينا
كنت عذب الرغاب .. فغدوت رفات حب مات فينا
ماضينا
ستمضى ورائك ايام وسنون طويلة
وتبقى سرا من اسرارنا وتحيا فيك امانينا

قدر نلتقى

قدر نلتقى دون التقاء
حكمة الخالق مالنا فيها اختيار
ما حسبت اهواك من اول لقاء
لامست الروح فكان حتما القرار
ما كان حبى وهم ما كان افتراء
حلم هو ان صحوت لاذ بالفرار
اجاهد فيك نفسى صباح مساء
تلتاع شوقا ما اثناها طول الأنتظار
حبك قدر الصبر فيه ابتلاء
والمؤمن لا يجزع من عطية الأقدار
ربى اسكنت حبه يسرى بالدماء
فاغفر لى ان جهرت يوما بالأسرار
ان دعوتنى خطية فكم من البشر خطاء
والمولى يغفرفوحده عالم الأسرار
لا تدرى ما وراء البسمة من شقاء
ولا تدرىكم يجرح عذب اللحن من الأوتار
كنت ولم ازل طفلة فى حبها نقاء
عذرها احبت من لايرحم الصغار

اغوص فى اعماق قلبى اترجم نبضاته الى حروف وكلمات قد تحكى عنى وقد تحكى عن غيرى كل ما فيها واهم ما فيها انها من القلب الى القلب