الى روح امى الغالية
حابة احكيلك حكاية
مش عارف منين البداية
بس عارفة تاريخ النهاردة
محفور من سنين جوايا
مش لانه مكتوب فى شهادة
متدون فيها تاريخ الولادة
واللى برضه حفظاه من سنيين
لكن شهادة عنوانها يهز - يهد
شهادة اتكتب فيها تاريخ النهاية
العنوان شهادة وفاة
والمحتوى داء وابتلاء
والخانات قال ايه بتثبت
بالتاريخ صمت الحياة
المكان مكة المكرمة
اطهر بقاع الارض
قبلة القلوب المطهرة
لركعة وسجدة فرض
فى رحاب الكعبة المشرفة
ومن وسط حجيج البيت
نزل الملاك بالأمر
حان المعاد والوعد
عز عليكِ يا مكة
تحنِى لأطهر قلب
حضن ثراكى الغالية
بعد صلاة الفجر
واكتملت الخانات
واتختمت الشهادة
وفضل تاريخها فى عينى
محفور جوايا
٢٨/٢٧ - ١٢ - ١٩٧٤
١٥/١٤ - ١٢ - ١٣٩٤
27/12/2018
ليست هناك تعليقات:
إرسال تعليق